Lo libre desvela dins sas 402 paginas l’agach de las femnas occitanas de tot lo país dont Auvèrnhe, Gasconha, Aran, Lengadòc, Lemosin, Provença, Valadas…

Ven de paréisser una antologia de 36 poetessas e cançonièras occitanas contemporanèas de tot lo país dont Auvèrnhe, Gasconha, Aran, Lengadòc, Lemosin, Provença, Valadas… Lo libre desvela dins sas 402 paginas lo regard de las femnas occitanas sul país, sus la familha, l’amor e la vida vidanta. Las expressions, los estils e las sensibilitats van de la tendresa a las golardadas e son d’una pluralitat e riquesa ineditas.

L’òbra, publicada per Reclams, es publicada en edicion bilingua amb de traduccions francesas e mai italianas per las autoras de las Valadas. L’a coordenada Paulina Kamakine e compren un avantdire d’Anne-Pierre Darrées. Las autoras son Adriana Abello, Lucia Abello, Soreta Allard, Lou Petìt Ausèth, Marilena Beltramo, Silvia Berger, Magalí Bizot Dargent, Benedicta Bonnet, Nadina Borgés, Terèsa Canet, Estello Ceccarini, Cecila Chapduelh, Amy Cros, Daniela Dao Ormena, Domenja Decamps, Francesca Dudònhon, Tòni Escala, Danièla Estèbe Hoursiangou, Mayo Feugas, Genevièva Gallego, Tiziana Gallian, Josí Guilhòt, Caterina Giusiano, Lisa Gròs, Nicòla Laporte, Aurèlia Lassaca, Sara Laurenç Zurawczak, Emiliana Lavigne, Olga Martino, Marineta Mazoyer, Brigita Miremont Orazio, Tresià Pambrun, Tiziana Raina, Caterina Ramonda, Liliana Zand e Zine.

 

Paraulas de hemnasReclams 2020, 402 paginas. 18 èuros

[Poblejat dins http://www.jornalet.com]