Lo ministre de la justícia mespresava aital nòstras lengas en responsa al deputat Marc Le Fur que defendiá la ratificacion de la carta europèa de las lengas minorizadas

Dimècres passat, 11 de març, lo ministre de la justícia francés, Eric Dupont-Moretti, qualifiquèt las lengas mal nomenadas regionalas de “bargoïnatge”; o faguèt indirèctament en ramentant l’etimologia bretona del vèrb depreciatiu francés baragouiner e en associant lo debat sus nòstras lengas a de paraulas inutilas.

Dupont-Moretti respondiá aital al deputat breton Marc Le Fur que defendiá la ratificacion de la Carta Europèa de las Lengas Regionalas o Minoritàrias. Puèi Le Fur planguèt que lo ministre aguèsse emplegat un tèrme insultant e degradant per las lengas. Lo ministre finiguèt que demandèt excusa, mas amb un ton ironic.

[Poblejat dins http://www.jornalet.com]