De milièrs de manifestants prenguèron las carrièras de Compostèla jol lèma “ganhar l’avenir”

Coma cada 25 de julhet, Galícia festegèt diluns passat lo jorn de la Pàtria Galèga amb una manifestacion sobeiranista per las carrièras de Compostèla, qu’amassèt de milièrs de manifestants jol lèma “ganhar l’avenir”.

A la manifestacion participèron de representants de movements sobeiranistas de Catalonha, del Bascoat, de Bretanha, d’Escòcia e de Palestina.

Lo primièr Jorn de la Pàtria Galèga se faguèt en 1920, en seguida d’un acòrdi de las dichas Irmandades de Fala (Confrairiás de lenga), un dels grops embrionaris del nacionalisme galèc modèrne que foguèt actiu de 1916 a 1931.

 

[Sorsa: http://www.jornalet.com]