Escrich per Lo Quentin
La darrièra version del jòc de kart sus ordenador SuperTuxKart sortiguèt en 2022 amb una debuta de traduccion en occitan. Los desvolopaires anoncièt que la version 1.5 sortiriá aqueste estiu amb un fum de melhoraments:
opcions de reglatge del FPS, frequéncia d’imatges per segonda, mai de contraròtle dels nivèls sonòrs, paramètres de nivèl de detalhs.
L’etapa seguenta serà la version 2.0 qu’es ja en desvolopament e disponibla per ensajar. Plan mai de cambiaments, nòvas pistas àudio, classas de karts, novèl mòde istòria, actualizacion de l’interfàcia utilizaire, melhor sistèma de moduls complementaris.
Actualament lo jòc es traduch a 56% dins sa version de desvolopament, es a dire mai que la darrièra version sortida.
Es lo moment ont vos demandi d’ajuda per arribar a un percentatge mai naut. L’occitan es la 52ena lenga de 75. Soi segur que podèm far melhor ! Se vos interèssa de participar a la traduccion d’aqueste vidèo jòc, contactatz-me.
[Sorsa: http://www.jornalet.com]
sephatrad 